كشف محمود عبدالمنعم كهربا، لاعب الفريق الأول لكرة القدم بالنادي الأهليـ كواليس تزوير عقده مع مع الزمالك، والذي تسبب في إيقافه وتغريمه.
وقال كهربا في تصريحات تلفزيونية:” مضيت على بياض حبًا في نادي الزمالك عشان اطلع إعارة لاتحاد جدة السعودي، وملوا العقد في 2017 وحطوا فيه 4 سنين، واتوثق في 2018″.
كهربا يكشف دور مجدي عبدالغني في أزمة عقده مع الزمالك
وتباع نجم الأهلي:” المسؤول عن ده كابتن مجدي عبد الغني، وميعرفش حاجة عن حب وخير الأهلي عليه، ومصلحته أهم من حبه للأهلي”.
وتابع محمود عبدالمنعم:” أنا شاب ليه تظلمني وأنا من دور ولادك؟، ومصالح بينه وناس كتير، وجريت ورا حقي وده اللي خلص عليا”.
وأكمل لاعب القلعة الحمراء:” مجدي عبدالغني شهد وبصم ومضى ضدي، ومواجهتوش لأن حقى عند ربنا، وكل يوم وطول العمر بقول حسبي الله ونعم الوكيل”.
إقرأ أيضًا.. محمد علي بن رمضان يكشف حقيقة مفاوضاته مع الأهلي
وشدد لاعب الأهلي:” أنا بالإنجازات اللي وصلت لها دلوقتي أكيد أنا مش ظالم وربنا كرمني، وأنا عيل صغير بالنسبة له هرد عليه أقوله إيه؟، وعمره ما هيعرف يرد عليا بحاجة”.
وأردف محمود عبدالمنعم:” اتظلمت ظلم وحش أوي، وربنا جاب ليا حقي الحمد لله”.
إقرأ أيضًا.. استبعاد ثنائي الأهلي من معسكر المنتخب الأولمبي
وتابع:” أحمد مجاهد في نفس مركب مجدي عبد الغني، وطول حياتي مشتمتش الزمالك، وبحترمه جدًا، ولازم يعرفوا إني مظلوم”.
وقال:” أنا دخلت للزمالك مبلغ كبير في الإعارات حوالي 84 مليون في الوقت ده”.
وغرامة الزمالك قال:” مكنتش هدفع غرامة نادي الزمالك نهائي لولا إن عندي طموحات كبيرة مع النادي الأهلي ده دفعني لسداد الغرامة”.
