نجم الزمالك يوجه رسالة نارية لإدارة الفارس الأبيض

وجه نجم الفريق الأول لكرة القدم بنادي الزمالك رسالة قوية إلى إدارة الفريق الأبيض وذلك بعد خروجه من التشكيل الأساسي في المباريات الماضية.

يوسف حسن يوجه رسالة نارية إلى إدارة الزمالك

وكتب يوسف حسن عبر الحساب الرسمي له على موقع التواصل الإجتماعي فيس بوك :” أنا بس هتكلم كلمتين، الواحد ساكت متكلمتش من ساعة ما اتصبت، أنا ولا حد بيسأل فيا ولا حد بيتطمن عليا بدون ذكر اسامي “.

وأضاف:” أنا مقصرتش مع حد، ولا عمر حد شاف مني حاجة وحشة، أولًا أنا اتصبت في ماتش المقاولون العرب في الكاحل، اتعالجت يومين وبعدين رحت منتخب الشباب “.

وواصل تصريحاته :” اتخبطت فيها تاني والإصابة تشخصت أنها قرحة ف الكاحل، محتاجة ليزر، وكل ما أكلم حد يقولي النادي مفهوش فلوس”.

أقرأ أيضًا: فرمان ناري من كولر تجاه موديست

وأضاف :”أنا بقالي خمس شهور قاعد في البيت مفيش حد عارف يعملي عملية بـ 150 ألف جنيه، لدرجة أنني قلت عاوز فلوسي وأنا هعمله على حسابي “.

وأتم:” وتاني مرة أقول حسبي الله ونعم الوكيل في اللي قال مزمنة، أنت كدة بتدمرني أنا معملتش حاجة وحشة، اللي قال كدة يثبت إنها مزمنة وأنا هنشر التقرير والأشعة.. نفسي أفهم ليه بيحصل كدة أنا مقصرتش بنقطة عرق واحدة وأنا بلعب مع النادي الزمالك “.

أقرأ أيضًا: عروض خليجية تهدد تجديد أحمد فتوح مع الزمالك

وأختتم نجم الزمـالك :” لعبت خمس ماتشات كسبنا الخمسة الحمدلله يعني مقصرتش بأي حاجة، عامة أنا في إنتظار حد مسؤول في النادي يكلمني وهعمل العملية وهرجع أحسن من الأول بإذن الله.. وأنا بحب جمهور الزمالك من قلبي فعلا شكرا “.