وجه إبراهيم حسن، مدير منتخب مصر، رسالة هامة إلى محمد صلاح قائد منتخب مصر ولاعب نادي ليفربول الإنجليزي، بعد تعيين شقيقة مدير فنيا للمنتخب.
وقال إبراهيم حسن في تصريحات تلفزيونية:” قيمة اللاعبين المحترفين وعلى رأسهم محمد صلاح قيمة كبيرة جدا “ليه الناس عايزه تعمل قلق في أي حاجة ليه؟”.
إبراهيم حسن: نجتاج محمد صلاح
وتابع مدير منتخب مصر الجديد:” لم نجلس حتى الآن مع محمد صلاح وعلاقتنا الوحيدة به رغبتنا في ضمه للزمالك من المقاولون العرب”.
وأكمل:” وذلك لمعرفتنا أنه لاعب هايل وقد أثبت أن رؤيتنا صحيحة وأصبح محمد صلاح صاحب التاريخ الكبير له ولمصر.
وشدد مدير المنتخب:”أي لاعب له قيمة مثل محمد صلاح أو اللاعبين الموجودين في الاحتراف نحتاج وجودهم لكي ينهضوا بمنتخب مصر “.
إقرأ أيضًا.. الزمالك يعلق على غرامة كهربا وإمكانية ضم رمضان صبحي
واستكمل:” كل لعيب مهم لازم يكون له وضعه باجتهاده في الملعب ومادام تقيل في الملعب وبيفيد منتخب مصر نشيله فوق دماغنا سواء محلي أو محترف”.
وعن شقيقة قال:” أنا وحسام بنطير بأي لعيب بيشيل الفرقة فلما يكون عندك محمد صلاح بقيمته ومجموعة اللعيبة”.
إقرأ أيضًا.. لاعب الأهلي يفاجئ الجميع بتهنئة أحمد حمدي بالانضمام للزمالك
وأردف:” مش عايز أفصل ما بين اللعيبة لأن محمد صلاح واللعيبة كلها واحد لأن أنا وحسام في شغلنا مبنحبش ندلع حد”.
وقال:” لكن بندي لكل واحد قيمته سواء لاعب قديم أو صاحب القيمة وعمل تاريخ وشكل لازم يتقدر بس في نفس الوقت يشيل معانا وموجود علشان يشيل المنتخب”.
وواصل :” أي لعيب سواء محترف داخلي او خارجي وعلى رأسهم محمد صلاح هيشيل معانا بالعكس أنا وحسام هنشيله فوق دماغنا”.
وأكد:” هنساعدك في الملعب بمجهودك فإحنا أنا وحسام مبنعرفش نفرق بين حد بس بنفرق بين حد اللي بيشيل وعنده شراسه”.
:”وقوه اللعيب اللي بيتمناه الجمهور بتاعنا اللعيب اللي عايز قلبه قوي وحامي وروحه على منتخب مصر في حد يزعل ان عنده لعيب يكسبه بالعكس”.
وواصل:” حتت محمد صلاح أو غيره كل اللعيبة ليها احترامها وتقديرها الواحد يكون سعيد عنده لعيب بإمكانيات محمد صلاح”.
وأكمل:”الناس اللي عايزه تعمل مشاكل على الفاضي بالعكس هيكون في تواصل مع محمد صلاح وتريزيحيه ومرموش وحجازي وكل اللعيبة اللي بره”.
وواصل:” اللاعيب اللي شايفينه جاهز هيكون موجود لو لعيب مش جاهز مش هجيبه على حساب البلد واللعيب اللي مش جاهز سواء داخليا أو خارجيا مش هنجيبه “.
وأتم:” الشخصية اللي هتشيل المنتخب وتجتهد هي اللي هتتواجد في الملعب لكن أنا وحسام معندناش مشاكل مع أي حد”.
