وجه أحمد حسام ميدو المدير الفني الأسبق لنادي الزمالك، رسائل نارية للمستشار تركي آل الشيخ، رئيس هيئة الترفية بالسعودية وحازم إمام عضو مجلس إدارة اتحاد الكرة.
وقال ميدو في تصريحات تلفزيونية: تركي آل الشيخ تم استخدامه في النادي الأهلي لغرض ضخ الأموال بس.
ميدو يتحدث عن علاقته بـ تركي آل الشيخ وحازم إمام
وتابع: هو جدع جداً وشفت ده في مواقف كتير، زي أشرف قاسم نجم الزمالك والاسطورة المستشار ساعده في العلاج.
وأكمل ميدو: الأهلي كان عايز فلوس من المستشار تركي آل الشيخ وملوش أي أدوار
وهو راجل بيحب يبقى صاحب قرار، مينفعش تاخد فلوس مني ومتاخدش رأيي.
وعن علاقة تركي بالزمالك قال: الزمالك متعاملش معاه أنه مكنة فلوس، ولكن كان بيختار في الزمالك اللاعيبة ويشتري صفقات وده الفرق بين الأهلي والزمالك.
اقرأ أيضا: 3 حلول من كولر لـ حسام حسن لإنهاء أزمة لاعبي الأهلي الدوليين
وواصل: تركي آل الشيخ انسحب من بيراميدز لأنه واجه صراعات في الاستثمار الرياضي في مصر
والكرة المصرية خسرت شخص بيفهم وكان ينقل الكرة في حتة تانية.
وأردف: مش هيعيد التجربة تاني في مصر، أنا كمحب له انصحه ميستثمرش تاني في مصر في مجال الرياضة
لأني لما انصح حد بحبه هنصحه عشان عايزه يكسب.
اقرأ أيضا: القهوة السبب.. الطبيب المعالج لـ أحمد رفعت يكشف مفاجأة في حالة اللاعب
وعن علاقته بحازم إمام قال: مرتضى منصور كتب حازم مدير الكرة ومرتبه 100 ألف جنيه، وكتب ميدو مدير فني ومرتبه 140 ألف جنيه.
وتابع: أخدت منه الورق والقلم وعكست الكلام وقلتله ميصحش حازم يبقى أقل مني وهو أقدم مني
وحازم ميعرفش القصة دي بالمناسبة لأني لأول مرة أقولها.
وأردف: حازم إمام غلتطه أنه حمل نفسه فوق طاقته وتصدر المشهد وطلع على المسرح، بس هل هو سبب خراب الكرة في مصر.
وأتم ميدو تصريحاته قائلاً: غلط أنه اتفاوض وهو مش شغلته، المفروض في ناس شغلتها الحسابات والتفاوض
خد قرارات فنية كتير خاطئة لأن مصر كانت ممكن تكسب البطولة دي.
