رد سيد عبدالحفيظ مدير الكرة السابق بالنادي الأهلي، على أنباء عودته لمنصبه خلال الفترة القادمة بعد رحيله بداية الموسم الجاري.
وقال عبدالحفيظ في تصريحات تلفزيونية: خالد بيبو يسير بشكل جيد، والأهلي ماشي بشكل جيد، وعلى أعتاب الفوز ببطولة إفريقيا وعلى أعتاب بطولة الدوري لو فاز بالمؤجلات.
سيد عبدالحفيظ: طريقة رحيلي من الأهلي معجبتنيش
وتابع مدير الكرة السابق بالقلعة الحمراء: أنا يشرفني أكون متواجداً في النادي الأهلي بكل تأكيد.
وأكمل عبد الحفيظ: لكن مش دلوقتي خالص، ورصد اسمي في الفترة الحالية مش كويس للفريق ولا للنادي
وخصوصًا إن الدنيا ماشية كويس.
وشدد: هفضل أقول إن طريقة رحيلي عن الأهلي كانت وحشة، بس ده مش معناه أن يبقى جوايا غل من خالد بيبو.
اقرأ أيضاً: كولر يتحدث عن مواجهة الترجي..ويحسم موقف الشناوي من النهائي
وواصل عبدالحفيظ: أنا عندي يقين إن الدنيا عبارة عن مراحل، مرحلة في بدايتك ومرحلة في متوسط عمرك ومرحلة في أخر عمرك.
واستكمل: مش ممكن أبدًا كانت هتوصلي إلا لما عدت على ناس، مش ممكن هفضل متمسك بمنصب معين.
اقرأ أيضاً: كولر يفاجئ إدارة الأهلي بطلب مثير بسبب منتخب مصر
وأردف: أنا متصالح جدًا مع نفسي، أنا كنت متأكد أني في يوم من الأيام همشي.
وتابع: لكن هفضل اقول لحد ما أموت طريقة رحيلي عن الأهلي معجبتنيش، وأنا ماشي الطريقة معجبتنيش.
وأتم: هقولها قدام أي حد، لكن أنا مرتبط جامد بالنادي الأهلي، ومرتبط بزملائي وأصحابي، وأتمنى التوفيق لخالد بيبو.
